眨吓眼, Emokers回流香港1週年喇, 嘩!  時間真係過得好快囉!

等Elsie做吓大事回顧先 (嘻嘻)

小思樂比1年前, 大過女好多, 返咗BB班, 真係進步得好快, both physical & mental, 講嘢好叻, 一句句咁講, 有時見佢同賓賓Nida講英文, 都有文有路, 好似呢排我想toilet train佢, 佢會同Nida講, “first, open 蓋蓋 (potty塊蓋), and then 除褲褲, and then sit down, and then vee-vee, and then stand up, and then 著褲, and then 倒倒 (攞個potty盤去倒)”, 嘩! 又中又英, 真係笑死我!!  不過佢已經有sequence 嘅concept呢!  而以上動作, 係佢自己做, 我響佢身邊睇, 有需要我先出手幫o架!!  我啱啱個weekend, 開始同囡豬toilet train, 佢冇帶片喇!  我每半個鐘就問吓佢, 你駛唔駛vee-vee呀?  初初佢都唔彩我, 慢慢佢真係會答我 “冇呀!”, 又或者自己自動走去potty度, 除褲, vee-vee, 著褲, 之後會攞個盤仔去倒, 沖廁, 又擺盤仔番potty, 呢兩晚, 佢都冇片, 一瞓天光, 起身先去vee-vee.  不過, 始終啱啱開始, 唔係咁穩定, 都有賴尿事件, 一兩次囉!  但我覺得今次toilet train會成功, 因為囡豬真係表現得好好, 好叻女囉!

個囡豬好鬼貪靚, 鍾意著裙, 要我幫佢塗指甲油, 要用lipstick, 鍾意買鞋, 鍾意攞手袋, (好彩各方好友&Aunties都送咗好多backpack, 手袋仔俾佢咋!!), 都好girly喎!  而佢都好似有我嘅遺傳, 對音樂好敏感, 校車嬸嬸話佢由上車唱歌仔唱到落車, 聽到disco music就跳舞囉!  遲啲會俾佢學吓跳舞, 學吓琴, 唔好埋沒佢嘅天份!

另外, 好果時同弟弟就糖痴豆, 又話要同弟弟玩, 同弟弟一齊瞓, 唔係就點都唔肯同弟弟玩, 唔肯share玩具, 仲有時會推弟弟呢!  而弟弟又係都要痴住個家姐, 佢行去邊就跟到邊, 有時見佢地兩姐弟好好地玩就真係好sweet o架!  唉, 但打起架嚟又好鬼頭痛囉!

而弟弟呢, 一隻為食豬, 乜到食, 所以都幾肥美呵!  不過最近teething同長高, 拉長咗, 所以冇咁圓碌碌!  呢個弟弟好鬼抵錫, 成日笑, 同你講嘢, 鍾意同人”give me five”, 特別鍾意”胸前偉大”嘅靚姐姐抱, 仲識瞓個頭響人地心口呢!!   呢個月, 佢行得好好, 爬高爬低, 真係睇少眼都唔得!  不過佢又真係好識冧人, 好鬼世界仔囉!!

佢隻豬豬細個果時都唔駛奶咀, 唔知係咪出牙, 呢幾個月番兜奶咀先肯瞓!  又只肯用其中一個, 唉, 果個我地係響美國買, 連加拿大都冇得賣, 唔見咗都唔知點算, 唔知有冇住美國嘅Auntie, 可以去Target/Walmart/Toysrus買1 pack (1 pack 2 個) 而寄俾我地呢??  (http://www.amazon.com/First-Years-Newborn-Soothie-Pacifiers/dp/B000JOQMO0/ref=pd_bxgy_ba_text_b)

最近, 好抵咁買咗個Buggy Board, 加上去架Volo stroller度, 家姐企埋上去一齊推, 唔駛抱咁辛苦, 有兩個相隔好少小朋友嘅媽咪可以諗吓! 

賓賓Nida都可以, 佢都算蠢, 真係冇common sense, 樣樣都要一個step一個step咁教, 不過, 佢就好聽話, 唔識駁咀, 叫佢做乜都肯做, 加上佢又真係好錫兩姐弟o架!  所以都滿意!  而家朝朝, 我同Edmund帶家姐去搭校車, 跟住返工, 而Nida就10點11點帶弟弟去寶翠園(我阿媽度), 12點半, 家姐放學校車響寶翠園落, 兩個寶貝食完lunch, 瞓晏覺, 瞓醒食吓嘢玩吓, 等婆婆公公放工番嚟就食晚飯, 之後婆婆陪Nida帶兩個番我地度, 因為我地放工由九龍果邊返西環都要成8點, 所以婆婆會pack飯俾我同Edmund食囉!  唔駛餐餐食味精嘛!

不過, Edmund同我都係響九龍果邊返工, 而囡豬間幼稚園(堅道)嚟緊九月唔再開K1以上嘅班, 佢係咪都要轉學校, 所以我地plan緊搵地方搬!  睇過美孚, 雖然舊啲, 但真係好見洗呵!  我地返工又方便, 囡豬返九龍城迦南又有校車, 又有多啲地方俾佢地兩隻小魔怪玩, 同埋有一個似樣嘅廚房俾我煮吓嘢食嘛!!  (唔, 我阿媽個賓賓煮嘢真係麻麻地….好過出街食味精咋!!)  不過未睇啱, 而樓市又升番啲, 所以唯有繼續睇囉!  睇啱時希望個價回番啲啲啦! 

工作方面, 叫做可以啦!  舊年真係麻麻地, 好似算命阿姑話齋, 一半好一半壞, 壞呢有小人, 俾小人冼, 好喇!  過咗啲衰嘅, 好嘅就好, 順順利利!  咁我又好好彩地好快搵到而家呢份工, 響衛生署嘅衛生防諼中心做老本行IT嘢, 啲同事好okay, 有講有笑, 老闆又reasonable, 所有我都做得幾開心!  而呢個時勢, 打政府工都叫穩陣啲!  做IT實有over-time, 但基本上都唔會太夜放工囉!  都可以安排到去做facial呀, 按摩呀!

Edmund呢, 響信和做嘢, facility management, 佢n年前響加拿大做過, 當時睇法庭, 監獄等, 所以而家睇商場緊係問題唔大, 不過始終唔係佢想做嘅嘢, 佢都想做番加拿大last果份工, cost engineering之類嘅嘢!  所以叫佢做住先, 再慢慢搵囉!  等經濟好番啲, 可能就有機會轉吧!  咁佢咪去報個Master of Accounting嚟讀, 而家睇吓Poly收唔收, 不過佢有MBA, 冇意外都收硬啩!!

而我呢, 搬埋屋, 定落嚟, 我都會去考個PMP, 對我事途都好有幫助!  仲想學番Oboe啦, 本來2008年諗住響加拿大考8級, 不過意外有咗弟弟要停, 我都想pick up 番!  遲啲等弟弟都返堆學, 都會搵個Master of Information Technology讀吓囉!  不過呢啲遲一步先再諗啦!

其實, 一年來, EMokers都已經習慣香港嘅生活, 同加拿大比, 都冇話邊度好啲, 都各有Pro & Cons, 不過除咗生活質素(哈, 有賓賓駛, 唔駛再洗碗囉!)之外, 事業發展空間, 與親戚朋友相處嘅方便, 都覺得返嚟香港係啱決定, 當然, 我都有miss 加拿大嘅生活 (好耐冇打牌啦!  手都痕哂!), 加拿大嘅好友啊!  唔, 可能過多十幾年, 搵夠喇, 退休番加拿大, 陪家姐弟弟一齊讀大學囉!  (我都有個dream可以讀番個Music degree呢!!)

About Elsie

工作方面, CHP migration 終於響3月22日搞掂, 由 HA (醫管局)接番個system返嚟, 搞咗咁耐, 叫做完咗一個milestone, 不過個仔番咗嚟, 都要monitor, 要教囉!  用咗 Microsoft 最新technology Hyper-V 同System Center, work 果時真係好正, 好方便好易用, 有bug果時真係叫天不應叫地不聞, 加上個system link 住好多 third parties嘅functions, 好似RightFax, SMS gateway 咁, 嘩! 真係做到試到忟囉!  而家叫run咗一個月, 叫做run順咗, 暫時都冇乜問題!! (touch wood, touch wood!!)  不過有時啲alerts send SMS 去手機, 聽到果 SMS ringtone 都幾驚!!  仲係24-7 support, 唉!!

遲啲, 諗住考PMP, 跟住或者讀個master (都係IT management 果方面喇!) 都有排忙囉!

About Edmund

Edmund 返緊信和, 響奧海城做facility management 嘅嘢!  佢以前響Toronto都做過, 睇法庭監獄等, 所以而家睇商場都冇乜問題.  不過要返5日半, 有大function就要返shift.  唉, 而家經濟咁差, 真係算好彩囉, 乜都做住先啦! 

所以, 佢都打算今年返Toronto考埋個P. Eng.牌, 再convert果香港工程師牌, 咁要升職轉工都易啲嘛!!

About EMokers

大致上一切都叫上咗軌道, 賓賓Nida都叫上咗手, 囡豬同弟弟都肯跟佢, 而佢清潔又可以, 煮方面, 我地暫時只係要佢煮小朋友嘅食物, 粥仔, 飯仔, 粉麵等等!  而佢已經會同小朋友沖涼, 唔駛等我地放工咁夜先同佢地沖嘛!  不過, 佢就真係幾蠢, 冇common sense o架, 乜都要清清楚楚, 一個一個steps 咁教, 唔係就亂嚟囉!

而家我同Edmund都響九龍果面返工, 住西環都幾唔方便, 我差唔多要45-60分鐘嘅時間, Edmund就短少少, 但係要過海車費都貴啲啦!  加上2房超級縮水樓真係唔夠用, 而家住果度租約5月完 (1年死約1年生約), 都打算搬喇!  都會係九龍果邊啦!  心目中有啲心水, 好似美孚, 西九四小龍, 大角咀等等..  已經搵堂阿哥幫手睇樓喇!  而家銀行放水, 估足價仲肯按九成, 咁首期我地自己都夠.  睇吓搞唔搞得掂, 量力而為啦, 搞唔掂咪再租一排先囉!!

講住咁多先, 有乜update再話俾大家知啦!!

好耐冇寫blog啦, 唔好意思, 最近真係好忙好忙.

About Ellie

囡豬長高咗, 長咗少少肉, 不過仲係瘦!  佢好似雀仔咁, 食好少嘢就飽!  肉佢就真係麻麻地, 好彩佢仲好鍾意飲奶奶, 食芝士, 食乳酪等等高鐵高calcium高蛋白質嘅dairy food.

講嘢叻咗好多好多, 一句一句咁講.  上個禮拜同佢去10蚊店, 佢要買一個Hello Kitty嘅環保袋, 初初爹地唔肯, 有個嬸嬸好心幫手, 同囡豬講 : [呢個袋嬸嬸買咗喇, 你俾番我啦!]  點知囡豬望住佢 : [你唔好呃我啦!] 個嬸嬸諗唔到囡豬會咁答, 呆咗, [嘩! 乜你咁鬼醒呀!]

仲有, 囡豬貪靚到不得了, 有日我幫佢梳好辮辮, 讚佢靚, 佢跟住走去爹地度問 : [思樂靚唔靚?] 爹地答靚, 之後又問賓賓Nida, 再問弟弟, 弟弟唔彩佢, 佢就伸塊臉響弟弟面前, 再問 [靚唔靚?], 弟弟擰開塊面, 佢又再伸, [靚唔靚? 家姐靚唔靚], 煩到弟弟發脾氣大叫, 都仲問 [靚唔靚?] 真係麻煩!!

另外, 幫佢報咗九月讀九龍塘迦南, 全日, 有lunch, 有晏覺, 不過都幾甘, 成$6,100 一個月 (學費$4800, 膳食費$600, 校車費$700), 遲啲弟弟返埋Nursery, 咪要成1萬1個月囉!!

About Ethan

弟弟呢個月行得好叻, 唔駛要人扶, 家姐去邊, 佢跟去邊, 成日鍾意走入房 (黑麻麻, 冇開燈o架!), 跟住閂門, 上個禮拜, 佢同家姐兩個入咗房, 弟弟閂門, 家姐lock門, 鎖咗自己兩個響入邊, 黑麻麻, 弟弟咪喊囉!  反而家姐大膽, 冇喊!  咁啱我未放工, 爹地又考試 (night class)未返, 唔知門匙響邊, 最後賓賓Marlyn整爛門鎖開門囉!  我地返嚟緊係鬧到Nida上天啦!

弟弟出牙, 所以好忟憎, 而佢出牙出得好得意, 下排中間兩隻門牙, 上排兩隻虎牙, 好似吸血彊屍咁!  牙痕咬奶咀 (係呀, 佢一直都唔駛要奶咀, 而家先要!), 仲咬人囉!  講嘢方面, 真係冇家姐咁叻, 只係識叫奶奶, 媽媽, 爸爸, 仲識叫 “Ah…Lee” (未識讀正Ellie)

食嘢方面就好叻仔, 乜都食, 一擺埋去就開口, 把口都唔停, 好似金魚咁!  不過因為長高好多, 又不停走動, 所以反而覺得佢瘦咗!  但事實係越嚟越重, 抱佢同家姐真係越嚟越吃力囉!

                                                                to be continues ....

請大家原諒我偷懶咗一段時間冇寫blog, X’mas 同 new year 真係好忙, 過兩個禮拜又到農曆新年, 又有排忙.

About EMokers

工人Nida終於響上個禮拜五嚟咗喇!  細細粒, 唔多出聲, 不過照顧弟弟同家務都幾好, 可能佢自己個女都只係大弟弟幾個月, 緊係識湊小朋友啦!  加上嚟香港之前, 菲律賓果邊要上一個兩星期嘅job training, 所以一般家務清潔都快上手啲.  而且佢又係有讀過吓書, 又係IT, 咁蠢極有限囉!  再講, 一個人有心同冇心做係差好遠o架!!  佢有心, 又肯學肯做, 我同Edmund對佢嘅進度都幾滿意.  希望佢過多1, 2 個禮拜, 全上手, 咁Edmund唔駛睇得咁緊囉!!

呢個X’mas 同 new year, 好忙, 好多眾會, party.  小朋友聖誕大派對好成功, 莫家聖誕飯局, 弟弟同澳洲嘅靚女表姐玩得好開心(佢最鍾意同靚靚姐姐玩啦!), 我又抽到一份鍾意嘅交換禮物, 係一個會投射時間上牆嘅鐘, 我其實都想搵呢類鐘, 不過一直遇唔啱!  而家幾好, 一望就知幾點, 唔駛攞眼鏡, 又唔駛搵鐘喇!!  又要去表姑媽嘅wedding, 再去由英國回港玩嘅堂姑媽堂伯伯host嘅飯局, 仲有表弟嘅滿月酒, 嘩!!  密密麻麻, 好忙呀!  農曆新年期間, 莫家, 馮家飯局, 仲有嫲嫲生日飯局, 又一樣咁忙呢!  18年我冇響香港過農曆新年, 今年真係好好, 好有氣氛呢!!

About Ellie

囡豬講嘢叻咗好多, 開始識用語言去表達自己.  兩個禮拜前開始, 我地慢慢試俾佢自己瞓, 當然, 佢仲要我或Edmund 陪佢上床, 講埋故仔, 等佢瞓著先走, 等佢自己攬住Minnie公仔瞓天光!  So far, 都okay啦!  唔係晚晚都得, 但日日都有進步喇!

About Ethan

弟弟上禮拜六足一歲啦!  我地EMokers同爺爺嫲嫲去咗香港Disney.  果日真係幾凍囉, 不過都玩得好開心!  同好多charactors 影相, 又有玩rides!  雖然比起Florida真係差好遠, 但對Ellie同Ethan嚟講, 夠玩囉!! 

弟弟大過咗, 比以前乖咗啲, 氹佢瞓容易咗, 晚上果覺平均都有6-7個鐘, 而家Edmund同我都冇咁辛苦, 叫做有得瞓囉!  佢開始行, 自己扶住梳化都行到好多步, 自己行咪幾好, 弟弟真係好重, 抱佢真係好吃力!!

About Elsie

公司真係好忙, project 已經到咗UAT階段, 仲要同其他department 夾, 有時真係覺得自己好似收數婆, 周圍向人追嘢, 不過都學到唔少嘢, 做嘢唸嘢要仔細啲, 全面啲, 準備要足, 老闆問起乜, 都有料識答.  俾老闆Ivan佢地train咗幾個月, 都發覺自己做嘢小心咗, 反應快咗!  真係習慣做SA呢個位囉! 

About Edmund

產假又放完(係呀, 加拿大有50禮拜產假, 唔一定係媽咪攞, 爹地攞都得!), 工人又嚟咗, 真係要認真去搵工囉!  不過個市真係麻麻地,

我briefly 講吓Edmund做乜啦!  First degree Mechanical Engineering, 跟住讀咗MBA, major Finance.  佢last job is Estimator, 係一間加拿大local 嘅industrial boiler 公司, 做好多costing, quoting, budgeting job.  想搵差唔多性質嘅工, 知道香港title唔會叫Estimator, 所以搵緊Business Analyst 嘅工.

喂!  各位好友們, 有冇工介紹, 又或者公司請緊人呀!  留意吓啦!!

 Thank you very much!!!

It has been very busy lately, and you know what, time flies even faster when you are busy…. Only one week it’s X’mas!

Ellie, like her mommy, a natural party-animal, she is so busy attending X’mas party!  She just had her school’s party yesterday, mommy Elsie dressed her up as Santa Girl; she got one exchange gift & one loot bag with lots of goodies!  We put them under the X’mas tree.  (Oh yes, we bought a mini-3 fts tall-gold color-x’mas tree for that poor tiny apartment!!) 

                        Our coming schedule!!!

                        Saturday 20 ^th, Edmund’s grandpa’s birthday dinner

                        Sunday 21^st, Cannon’s x’mas party

Monday 22^nd, Elsie’s dad’s birthday & winter festival dinner

Wednesday 24 ^th X’mas eve, Mok family x’mas gathering

Thursday 25 ^th X’mas, dinner with grannies, auntie Vivian & uncle Forum

Friday 26^th, lunch with uncle Kelvin

Saturday 27^th, mommy hosts a kid’s x’mas party at the club house! 

Wow… schedule full!!

Ethan, crawling, standing by his own, eating anything…. That boy is growing!  He starts yelling at Edmund like his sister Ellie, now we have two gremlins!  He has been very good lately, drinks his milk around 10:30/11:00pm, then will sleep until 8:00am! Nice!!  Mommy Elsie finally has her 8 hours sleep straight!

Elsie is busy at work, the 2 beautiful UAT servers arrived 2 weeks ago, after mounting on the rack, setup, etc. etc., and we put Windows 2008 with Hyper-V on it to be a VM host!  And then my skillful AP making image for Windows 2000 & SQL 2000, yes, then we just couple clicks, create VM, point to the copy of the image, it is done, a ready-do-use server in 10 minutes!  Easily, we created VM for the database server, 2 web application servers; there will be a SMS server too!  OMG, love new technology man!!  At the same time, Elsie is busying preparing service order(s) for physical servers relocation, there is standard procedure for Government to buy/service something, send out requirement, wait for vendor’s quotation, then department approval on the purchase order, issue purchase order, and then wait, wait & wait!!  (Sorry for being that technical, but hey, I’m a techie girl!!)  I guess you all can tell Elsie enjoys her new job, yes, I do, playing with the latest technology and new servers, and a team of men (excellent IT knowledge AND with a great sense of humor), don’t you envy me??

Just received a call from Immigration, the VISA for Nida (the new maid) is issued, my agent can pick it up anytime, the only issue is, it is very tight on the flight during X’mas, so I guess Nida would be here after New year, says the week of the Jan 5^th.  Oh good, finally!  I really hope that Nida gets along with Ellie & Ethan, and she pickup fast, so Edmund can have times for job hunting, compare to he doesn’t even have time to turn on the computer these days because Ellie & Ethan are hanging on him!!

Anyway… life is getting better & bit easier!  With Nida’s help, we will be even more on track!  We are great in Hong Kong, I do miss Toronto sometime, but I enjoy the life in this busy city as well!